புதுடெல்லி,

கால்பந்து அணிகளின் புதிய தரவரிசைப்பட்டியலை சர்வதேச கால்பந்து சங்கம் (பிபா) நேற்று வெளியிட்டது. இதில் பெல்ஜியம், உலக சாம்பியன் பிரான்ஸ், பிரேசில், இங்கிலாந்து அணிகள் முறையே முதல் 4 இடங்களில் தொடருகின்றன.

உலக கோப்பை போட்டிக்கான ஆசிய மண்டல தகுதி சுற்று போட்டியில் வங்காளதேச அணியுடன் 1-1 என்ற கோல் கணக்கில் டிரா கண்ட இந்திய அணி 2 இடம் சரிந்து 106-வது இடத்துக்கு தள்ளப்பட்டுள்ளது. அதே சமயம் வங்காளதேச அணி 3 இடம் முன்னேறி 184-வது இடத்தை பிடித்துள்ளது.