கோவா,
8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி கடந்த ஆண்டு போல் கோவாவில் உள்ள 3 மைதானங்களில் ரசிகர்கள் இன்றி நடைபெறும் இந்த போட்டி அடுத்த ஆண்டு மார்ச் மாதம் வரை நீடிக்கிறது.
இந்நிலையில் இந்த தொடரில் இன்று இரவு 7.30 மணிக்கு தொடங்கும் போட்டியில் ஏடிகே மோகன் பகான் - கோவா அணிகள் பலப்பரீட்சை நடத்துகின்றன.
ஏடிகே மோகன் பகான் அணி தாங்கள் விளையாடிய 7 போட்டிகளில் 3 வெற்றி , 2 டிரா , 2 தோல்வி கண்டு புள்ளி பட்டியலில் 5 வது இடத்தில் உள்ளது . கோவா அணி தாங்கள் விளையாடி உள்ள 7 போட்டிகளில் 2 வெற்றி 3 தோல்வி, 2 டிரா கண்டு புள்ளி பட்டியலில் 8 -வது இடத்தில் உள்ளது.