ஐதராபாத்,
12 அணிகள் இடையிலான 10-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி இந்தியாவின் பல்வேறு நகரங்களில் நடந்து வருகிறது. இந்த தொடரில் ஐதராபாத்தில் இன்று நடைபெற்ற போட்டியில் ஐதராபாத் எப்.சி-பெங்களூரு எப்.சி அணிகள் மோதின.
விறுவிறுப்பாக நடைபெற்ற இந்த போட்டியில் ஐதராபாத் அணி சார்பில் முகமது யசிர் ஆட்டத்தின் 35-வது நிமிடத்தில் ஒரு கோல் அடித்தார். பெங்களூரு அணி சார்பில் ரியான் வில்லியம்ஸ் ஆட்டத்தின் 58-வது நிமிடத்தில் ஒரு கோல் அடித்தார்.
இந்த நிலையில் ஆட்டநேர முடிவில் ஐதராபாத்-பெங்களூரு அணிகளுக்கு இடையிலான ஆட்டம் 1-1 என்ற கோல் கணக்கில் டிராவில் முடிந்தது.