கோவா,
12 அணிகள் இடையிலான 10-வது இந்தியன் சூப்பர் லீக் (ஐ.எஸ்.எல்.) கால்பந்து லீக் போட்டி பல்வேறு நகரங்களில் நடந்து வருகிறது. இந்நிலையில் இந்த தொடரில் கோவாவில் இன்று நடைபெறும் ஆட்டத்தில் கோவா - ஐதராபாத் எப்.சி அணிகள் மோத உள்ளன.
இந்த தொடரில் இதுவரை நடந்த லீக் ஆட்டங்களின் முடிவில் கோவா 19 ஆட்டங்களில் ஆடி 10 வெற்றி, 6 டிரா, 3 தோல்வி கண்டு 36 புள்ளிகளுடன் புள்ளிப்பட்டியலில் 4வது இடத்தில் உள்ளது.
அதேவேளையில் 20 ஆட்டங்களில் ஆடியுள்ள ஐதராபாத் அணி 1 வெற்றி, 5 டிரா, 14 தோல்வி கண்டு 8 புள்ளிகளுடன் புள்ளிப்பட்டியலில் கடைசி இடத்தில் உள்ளது. இன்றைய ஆட்டத்தில் வெற்றிக்காக இரு அணிகளும் கடுமையாக போராடும் என்பதால் ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் இரவு 7.30 மணிக்கு தொடங்குகிறது.