பாரீஸ்,

சாம்பியன்ஸ் லீக் கால்பந்து போட்டியில் பாரீஸ் நகரில் நேற்று முன்தினம் இரவு நடந்த 2-வது ரவுண்டின் 2-வது கட்ட சுற்றில் நடப்பு சாம்பியன் ரியல் மாட்ரிட் (ஸ்பெயின்)- பாரீஸ் செயின்ட் ஜெர்மைன் (பிரான்ஸ்) கிளப் அணிகள் மல்லுகட்டின. விறுவிறுப்பான இந்த மோதலில் ரியல் மாட்ரிட் கிளப் 2-1 என்ற கோல் கணக்கில் வெற்றி பெற்றது. அந்த அணியில் கிறிஸ்டியானா ரொனால்டோ, காஸ்மிரோ தலா ஒரு கோல் அடித்தனர். ஏற்கனவே முதலாவது லீக்கிலும் ரியல் மாட்ரிட் 3-1 என்ற கோல் கணக்கில் வெற்றி பெற்றிருந்தது. இதையடுத்து 2 ஆட்டங்களின் முடிவில் ரியல்மாட்ரிட் அணி 5-2 என்ற கோல் கணக்கில் கால்இறுதியை எட்டியது.