6 அணிகள் பங்கேற்ற 8-வது 16 வயதுக்குட்பட்டோருக்கான தெற்காசிய கால்பந்து சாம்பியன்ஷிப் போட்டி பூட்டான் தலைநகர் திம்புவில் நடந்து வந்தது. இதில் நேற்று நடந்த இறுதி சுற்றில் நடப்பு சாம்பியன் இந்தியாவும், வங்காளதேசமும் மோதின.

அபாரமாக ஆடிய இந்தியா 2-0 என்ற கோல் கணக்கில் வங்காளதேசத்தை வீழ்த்தி சாம்பியன் கோப்பையை தக்கவைத்தது. பாரத் லாரென்ஜாம் (8-வது நிமிடம்), லெவிஸ் ஜாங்மின்லுன் (74-வது நிமிடம்) ஆகியோர் கோல் அடித்தனர். இந்த கோப்பையை இந்தியா வெல்வது இது 5-வது முறையாகும்.