சென்னை,
எம்.சி.சி.-முருகப்பா தங்க கோப்பைக்கான அகில இந்திய ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.
இதில் நேற்று நடந்த லீக் ஆட்டம் ஒன்றில் நடப்பு சாம்பியன் இந்தியன் ஆயில் அணி 4-3 என்ற கோல் கணக்கில் கர்நாடகாவை சாய்த்து 2-வது வெற்றியை ருசித்தது. இந்தியன் ஆயில் அணியில் குர்ஜிந்தர் சிங் 2 கோலும் (15-வது, 53-வது நிமிடம்), அர்மான் குரேஷி (33-வது நிமிடம்), தல்விந்தர் சிங் (37-வது நிமிடம்) தலா ஒரு கோலும், கர்நாடகா அணியில் கணேஷ் மஜி 'ஹாட்ரிக்' கோலும் (39, 41, 56-வது நிமிடம்) அடித்தனர்.
மற்றொரு ஆட்டத்தில் பஞ்சாப் நேஷனல் வங்கி 1-0 என்ற கோல் கணக்கில் இந்திய விமானப்படையை தோற்கடித்தது. பஞ்சாப் நேஷனல் வங்கி வீரர் நவீன் அன்டில் 58-வது நிமிடத்தில் வெற்றிக்கான கோலை அடித்தார்.