9-வது ஜூனியர் பெண்கள் உலக கோப்பை ஆக்கி போட்டி தென்ஆப்பிரிக்காவில் உள்ள போட்செப்ஸ்ட்ரூம் நகரில் நேற்று தொடங்கியது. வருகிற 12-ந் தேதி வரை நடக்க உள்ள இந்த போட்டியில் பங்கேற்றுள்ள 15 அணிகள் 4 பிரிவாக பிரிக்கப்பட்டுள்ளன.

இதில் 'டி' பிரிவில் இன்று நடைபெற்ற போட்டியில் இந்திய அணி, ஜெர்மனியுடன் மோதியது. தொடக்க ஆட்டத்தில் வேல்சுடன் மோதி வெற்றி பெற்ற சலிமா டெடி தலைமையிலான இந்திய அணி, இன்று நடந்த 2-வது ஆட்டத்தில் ஜெர்மனியை 2-1 என்ற கோல் கணக்கில் வீழ்த்தி வெற்றி பெற்றது.