போட்டியை பள்ளி கல்வி, இளைஞர் நலன் மற்றும் விளையாட்டு மேம்பாட்டு துறை அமைச்சர் கே.ஏ.செங்கோட்டையன் தொடங்கி வைத்தார். விழாவுக்கு விளையாட்டு மேம்பாட்டு துறை முதன்மை செயலாளர் தீரஜ்குமார் தலைமை தாங்கினார். நாக்-அவுட் மற்றும் லீக் முறையில் நடைபெறும் இந்த போட்டியில் 37 மாவட்ட அணிகள் கலந்து கொண்டுள்ளன. நேற்று நடந்த ஆண்கள் பிரிவு தொடக்க ஆட்டத்தில் திருவள்ளூர் அணி 5-1 என்ற கோல் கணக்கில் விழுப்புரம் அணியை தோற்கடித்தது.

பின்னர் நடந்த மற்றொரு ஆட்டத்தில் திருவள்ளூர் அணி 4-0 என்ற கோல் கணக்கில் புதுக்கோட்டை மாவட்ட அணியை வீழ்த்தி 2-வது வெற்றியை ருசித்தது. மற்ற ஆட்டங்களில் ஈரோடு அணி 2-1 என்ற கோல் கணக்கில் கரூரையும், வேலூர் அணி 4-0 என்ற கோல் கணக்கில் காஞ்சீபுரத்தையும், நீலகிரி அணி 7-0 என்ற கோல் கணக்கில் பெரம்பலூரையும், திருச்சி அணி 7-0 என்ற கோல் கணக்கில் கள்ளக்குறிச்சியையும், சென்னை அணி 2-1 என்ற கோல் கணக்கில் கோவையையும், ராமநாதபுரம் அணி 5-0 என்ற கோல் கணக்கில் திருவாரூரையும், கடலூர் அணி பெனால்டி ஷூட்-அவுட்டில் 7-6 என்ற கோல் கணக்கில் திருப்பூர் அணியையும் தோற்கடித்தன.