அவுரங்கபாத்,

ஆண்களுக்கான 9-வது தேசிய ஜூனியர் ஆக்கி போட்டி (ஏ டிவிசன்) மராட்டிய மாநிலம் அவுரங்கபாத்தில் நடந்து வருகிறது. இதில் ஏ பிரிவில் இடம் பெற்றுள்ள தமிழக அணி, நேற்று நடந்த தனது 2-வது லீக் ஆட்டத்தில் இமாச்சலபிரதேசத்தை எதிர்கொண்டது. விறுவிறுப்பான இந்த ஆட்டம் 2-2 என்ற கோல் கணக்கில் டிராவில் முடிந்தது. தமிழக அணியில் கார்த்தி 44-வது நிமிடத்திலும், மாரீஸ்வரன் 48-வது நிமிடத்திலும் கோல் அடித்தனர். இமாச்சலபிரதேச அணி தரப்பில் சரன்ஜீத் சிங் 57-வது நிமிடத்திலும், அமித் 59-வது நிமிடத்திலும் கோல் திருப்பினார்கள். மற்றொரு லீக் ஆட்டத்தில் அரியானா அணி 3-2 என்ற கோல் கணக்கில் ஜார்கண்டை சாய்த்தது. இன்னொரு ஆட்டத்தில் மணிப்பூர் அணி 4-3 என்ற கோல் கணக்கில் மும்பையை வீழ்த்தியது.