ஆக்லாந்து,

இந்திய பெண்கள் ஆக்கி அணி, நியூசிலாந்தில் சுற்றுப்பயணம் செய்து விளையாடி வருகிறது. இதில் ஆக்லாந்தில் நேற்று நடந்த ஆட்டத்தில் இந்தியா-நியூசிலாந்து அணிகள் மோதின. விறுவிறுப்பான இந்த ஆட்டத்தின் முடிவில் இந்திய அணி 1-2 என்ற கோல் கணக்கில் நியூசிலாந்திடம் தோல்வி அடைந்தது. நியூசிலாந்து அணியில் மேகன் ஹல் 3-வது நிமிடத்திலும், கடைசி கட்டத்திலும் கோல் அடித்து அந்த அணியின் வெற்றியில் முக்கிய பங்குவகித்தார். இந்திய அணியில் சலீமா 15-வது நிமிடத்தில் ஒரு கோல் திருப்பினார்.

இந்திய அணி தனது முதல் ஆட்டத்தில் நியூசிலாந்து மேம்பாட்டு அணியை 4-0 என்ற கணக்கில் வீழ்த்தி இருந்தது. இரு அணிகளுக்கும் இடையிலான 3-வது ஆட்டம் நாளை நடக்கிறது.