சென்னை மாவட்ட ஆக்கி சங்கம் சார்பில் ஸ்ரீராம் சிட்டி நிறுவனம் ஆதரவுடன் சூப்பர் டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆட்டம் ஒன்றில் தெற்கு ரெயில்வே-இந்திய உணவு கழக அணிகள் மோதின. விறுவிறுப்பான இந்த ஆட்டம் 2-2 என்ற கோல் கணக்கில் டிராவில் முடிந்தது.

தெற்கு ரெயில்வே அணியில் அஜித் குமார், பிரவீன் குமார் தலா ஒரு கோலும், உணவு கழக அணியில் ராஜா, புவியரசன் தலா ஒரு கோலும் அடித்தனர். ஜி.எஸ்.டி. மற்றும் மத்திய கலால் வரி-ஏ.ஜி.அலுவலகம் இடையிலான மற்றொரு ஆட்டமும் 2-2 என்ற கோல் கணக்கில் டிராவில் முடிந்தது. கலால் வரி அணியில் பியர் ஆலன் ராஜேஷ், பிரபு, ஏ.ஜி.அலுவலக அணியில் தாமு, வீரதமிழன் ஆகியோர் கோல் போட்டனர்.