முத்தரப்பு பெண்கள் ஜூனியர் ஆக்கித் தொடர் (21 வயதுக்குட்பட்டோர்) ஆஸ்திரேலியாவின் கான்பெர்ரா நகரில் நடந்து வந்தது. இதில் நேற்று நடந்த கடைசி லீக்கில் இந்திய அணி, ஆஸ்திரேலியாவை எதிர்கொண்டது. 15-வது நிமிடத்தில் ஆஸ்திரேலியாவின் அபிகேல் வில்சன் பெனால்டி கார்னர் வாய்ப்பை பயன்படுத்தி கோல் அடித்தார். 28-வது நிமிடத்தில் ஆஸ்திரேலியாவின் பெனால்டி வாய்ப்பை இந்திய கோல் கீப்பர் பிச்சு தேவி காரிபம் அபாரமாக தடுத்து நிறுத்தினார். ஆரம்பத்தில் சில கார்னர் வாய்ப்புகளை கோட்டை விட்ட நிலையில் 53-வது நிமிடத்தில் இந்திய மங்கை ககன்தீப் கவுர் பதில் கோல் திருப்பி சமனுக்கு கொண்டு வந்தார். ஆனால் மகிழ்ச்சி அதிக நேரம் நீடிக்கவில்லை.