புவனேஸ்வர்,
15-வது உலகக் கோப்பை ஆக்கி போட்டி ஒடிசாவின் புவனேஸ்வரில் நடந்து வருகிறது. இதில் நேற்று நடந்த கால்இறுதியில் 'நம்பர் ஒன்' அணியான ஆஸ்திரேலியா 4-3 என்ற கோல் கணக்கில் ஸ்பெயினை வீழ்த்தி தொடர்ந்து 12-வது முறையாக அரைஇறுதிக்குள் கால்பதித்தது.
இந்த ஆட்டத்தில் 54-வது நிமிடத்தில் கிடைத்த பெனால்டி வாய்ப்பை ஸ்பெயின் கேப்டன் மார்க் மிராலெஸ் வீணடித்தார். இந்த வாய்ப்பை அவர் சரியாக பயன்படுத்தி இருந்தால் திரில்லிங்கான இந்த ஆட்டம் பெனால்டி ஷூட்-அவுட்டுக்கு சென்றிருக்கும்.
மற்றொரு கால்இறுதியில் நடப்பு சாம்பியன் பெல்ஜியம் 2-0 என்ற கோல் கணக்கில் நியூசிலாந்தை வென்றது. இன்று நடக்கும் கால்இறுதி ஆட்டங்களில் இங்கிலாந்து-ஜெர்மனி (மாலை 4.30 மணி), நெதர்லாந்து-தென்கொரியா (இரவு 7 மணி) அணிகள் மோதுகின்றன.