இந்திய மல்யுத்த சம்மேளனத்தின் தலைவரும், பா.ஜ.க. எம்.பி.யுமான பிரிஜ் பூஷன் சரண் மீதான இளம் மல்யுத்த வீராங்கனைகளின் பாலியல் குற்றச்சாட்டு குறித்து டெல்லி போலீசார் விசாரணை நடத்தி வருகிறார்கள். அவரை கைது செய்யக்கோரி கடந்த மாதம் 23-ந்தேதியில் இருந்து டெல்லி ஜந்தர்மந்தர் பகுதியில் நாட்டின் முன்னணி மல்யுத்த வீரர், வீராங்கனைகள் போராட்டத்தில் ஈடுபட்டு வருகின்றனர்.

இந்த நிலையில் மல்யுத்த வீராங்கனைகளின் போராட்டத்தில் பங்கேற்றதாக அரியானா மல்யுத்த சங்கத்தைச் சேர்ந்த 3 செயலாளர்கள் பணியிடை நீக்கம் செய்யப்பட்டுள்ளனர். அரியானா அமெச்சூர் மல்யுத்த சங்கத்தைச் சேர்ந்த வீரேந்தர் சிங் தலால், சஞ்சய் சிங் மாலிக் மற்றும் ஜெய் பகவான் ஆகிய 3 பேர் பணியிடை நீக்கம் செய்யப்படுவதாக அறிவிக்கப்பட்டுள்ளது.