சென்னை,

நெல்லை பிரண்ட்ஸ் கிளப், டாக்டர் சிவந்தி கிளப் சார்பில் தினத்தந்தி மற்றும் எஸ்.என்.ஜே. குரூப் ஆதரவுடன் பி.ஜான் நினைவு அகில இந்திய கைப்பந்து போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 2-வது நாளான நேற்று பெண்கள் பிரிவில் நடந்த ஒரு ஆட்டத்தில் டாக்டர் சிவந்தி கிளப் 25-21, 25-23, 25-19 என்ற நேர் செட் கணக்கில் கேரள போலீஸ் அணியை தோற்கடித்தது. 2-வது ஆட்டத்தில் ஆடிய டாக்டர் சிவந்தி கிளப்புக்கு இது முதலாவது வெற்றியாகும். மற்றொரு ஆட்டத்தில் சாய் (தலசேரி) அணி 25-14, 25-19, 25-12 என்ற நேர் செட்டில் எஸ்.டி.ஏ.டி. (சென்னை) அணியை வீழ்த்தியது. ஆண்கள் பிரிவில் நடந்த ஒரு ஆட்டத்தில் இந்தியன் வங்கி (சென்னை) அணி 25-19, 19-25, 25-16, 24-26, 15-10 என்ற செட் கணக்கில் ஐ.சி.எப்.பை போராடி வென்றது. இதே போல் தமிழ்நாடு போலீஸ் அணி 25-21, 19-21, 25-14, 26-24 என்ற செட் கணக்கில் வருமானவரி (குஜராத்) அணியை தோற்கடித்தது.