சிட்னி,

ஆஸ்திரேலிய ஓபன் பேட்மிண்டன் போட்டி சிட்னியில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவு முதல் சுற்று ஆட்டம் ஒன்றில் இந்திய வீரர் சாய் பிரனீத் 21-16, 21-14 என்ற நேர்செட்டில் லீ டாங் குன்னை (தென்கொரியா) தோற்கடித்து 2-வது சுற்றுக்கு முன்னேறினார். மற்றொரு ஆட்டத்தில் இந்திய வீரர் காஷ்யப் 21-16, 21-15 என்ற நேர்செட்டில் தாய்லாந்து வீரர் சுபன்யு அவிங்ஷனோனை வீழ்த்தினார். இன்னொரு ஆட்டத்தில் இந்திய வீரர் சமீர் வர்மா 21-15, 16-21, 21-12 என்ற செட் கணக்கில் மலேசியாவின் லீ ஜி ஜியாவை சாய்த்தார். இந்திய வீரர் பிரனாய் 18-21, 19-21 என்ற நேர்செட்டில் சீன வீரர் லின் டானிடம் வீழ்ந்தார். பெண்கள் ஒற்றையர் பிரிவில் முதல் சுற்று ஆட்டம் ஒன்றில் இந்தியாவின் முன்னணி வீராங்கனை பி.வி.சிந்து 21-14, 21-9 என்ற நேர்செட்டில் இந்தோனேஷியாவின் கோரினிசாவை தோற்கடித்து 2-வது சுற்றுக்குள் நுழைந்தார்.