சென்னை மாவட்ட கைப்பந்து சங்கம் சார்பில், சான் அகாடமி ஆதரவுடன் பள்ளி அணிகளுக்கான 5-வது மாவட்ட கைப்பந்து சாம்பியன்ஷிப் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆண்கள் பிரிவு கால்இறுதி ஆட்டம் ஒன்றில் வேலம்மாள் 25-0, 25-0 என்ற செட் கணக்கில் ஒய்.எம்.சி.ஏ. அணியை வென்றது. மற்ற கால்இறுதி ஆட்டங்களில் செயின்ட் பீட்ஸ், செயின்ட் பீட்டர்ஸ், டான்போஸ்கோ அணிகள் வெற்றி பெற்றன.

பெண்கள் பிரிவில் நடந்த கால்இறுதி ஆட்டம் ஒன்றில் லேடி சிவசாமி அணி 20-25, 25-5, 25-10 என்ற செட் கணக்கில் வித்யோதயாவை சாய்த்தது. மற்ற கால்இறுதி ஆட்டங்களில் சென்னை ரோட்லெர், குண்டூர் சுப்பையா, ஜேப்பியார் அணிகள் வெற்றி கண்டன. இரு பிரிவிலும் கால்இறுதியில் வெற்றி பெற்ற அணிகள் 'சூப்பர் லீக்' சுற்றுக்கு முன்னேறின.