பாரீஸ்,
பிரெஞ்சு ஓபன் பேட்மிண்டன் போட்டி பாரீஸ் நகரில் நடந்து வருகிறது. இதில் பெண்கள் ஒற்றையர் பிரிவின் 2-வது சுற்று ஆட்டம் ஒன்றில் இந்தியாவின் பி.வி.சிந்து , அமெரிக்காவின் பெய்வென் ஜாங்கை எதிர்கொண்டார்.
இதில் 13-21, 21-10, 21-14 என்ற செட் கணக்கில் அமெரிக்காவின் பெய்வென் ஜாங்கை தோற்கடித்து பி.வி.சிந்து கால்இறுதிக்கு முன்னேறினார்.
இதன் பெண்கள் இரட்டையர் பிரிவில் டிரீசா ஜாலி- காயத்ரி கோபிசந்த் (இந்தியா) ஜோடி 21-18, 21-13 என்ற நேர் செட்டில் யூகி புகுஷிமா- சயாக ஹிரோடா இணையை சாய்த்தது.
ஆண்கள் பிரிவில் இந்திய முன்னாள் நம்பர் ஒன் வீரர் ஸ்ரீகாந்த் 21-19, 12-21, 20-22 என்ற செட் கணக்கில் சீனாவின் குவாங் சூவிடம் போராடி தோற்றார்.