புதுடெல்லி,

7-வது புரோ கபடி லீக் போட்டியில் லீக் சுற்று முடிந்து நாளை அரைஇறுதிக்கான பிளே-ஆப் சுற்று ஆட்டங்கள் நடக்கின்றன. இந்த நிலையில் இந்த போட்டியில் வாகை சூடும் அணிக்கு வழங்கப்படும் பரிசுத்தொகை விவரம் அறிவிக்கப்பட்டுள்ளது.

இதன்படி சாம்பியன் பட்டம் வெல்லும் அணிக்கு ரூ.3 கோடி பரிசாக கிடைக்கும். 2-வது இடத்தை பெறும் அணிக்கு ரூ.1.8 கோடியும், 3-வது, 4-வது இடத்தை பிடிக்கும் அணிகளுக்கு தலா ரூ.90 லட்சமும், 5-வது, 6-வது இடம் பெறும் அணிகளுக்கு தலா ரூ.45 லட்சமும் பரிசாக வழங்கப்படும் என்றும், இதுதவிர தனிநபர் சிறப்பு பரிசுகளும் அளிக்கப்படும் என்றும் தெரிவிக்கப்பட்டுள்ளது.