16-வது ஆசிய துப்பாக்கி சுடுதல் சாம்பியன்ஷிப் போட்டி கஜகஸ்தானில் உள்ள ஷிம்கென்ட் நகரில் நடந்து வருகிறது. இதில் நேற்று நடந்த அணிகளுக்கான 25 மீட்டர் சென்டர் பயர் பிஸ்டல் பந்தயத்தில் குர்பிரீத் சிங், ராஜ்கன்வார் சிங் சந்து, அங்குர் கோயல் ஆகியோர் அடங்கிய இந்திய அணி 1733 புள்ளிகள் குவித்து தங்கப்பதக்கத்தை சொந்தமாக்கியது. வியட்நாம் (1720 புள்ளி) வெள்ளியும், ஈரான் (1700 புள்ளி) வெண்கலத்தையும் பெற்றது.

இதன் அணிகள் பிரிவில் மணினி கவுசிக், சுரபி பரத்வாஜ், வினோத் விதர்சா ஆகியோரை கொண்ட இந்திய அணி 1846 புள்ளிகள் எடுத்து வெள்ளிப்பதக்கத்தை வென்றது. தென்கொரியா (1856.8 புள்ளி) தங்கமும், கஜகஸ்தான் (1828.2 புள்ளி) வெண்கலமும் பெற்றது. ஆண்களுக்கான டிராப் பிரிவில் இந்திய வீரர் அங்குர் மிட்டல் 107 புள்ளிகள் எடுத்து புதிய ஆசிய சாதனையுடன் தங்கப்பதக்கத்தை முத்தமிட்டார்.