அமெரிக்காவின் சிகாகோ மாகாணத்தில் நடைபெற்ற மாரத்தான் ஓட்டப்பந்தயத்தில் கென்யாவைச் சேர்ந்த வீரர் கெல்வின் கிப்டம் புதிய உலக சாதனையை படைத்துள்ளார். மொத்தம் 35 கி.மீ. கொண்ட இந்த மாரத்தான் ஓட்டத்தில், பந்தய தூரத்தை 2 மணி நேரம் 35 வினாடிகளில் கடந்து கெல்வின் கிப்டம் முதலிடம் பிடித்தார். இதன் மூலம் மற்றொரு கென்ய வீரர் எலியுட் கிப்சோஜின் சாதனையை கெல்வின் முறியடித்துள்ளார்.

இந்த போட்டியில் கென்யாவைச் சேர்ந்த பென்சன் கிப்ருட்டோ 2-வது இடத்தையும், பெல்ஜியம் நாட்டைச் சேர்ந்த பஷீர் அப்தி 3-வது இடத்தையும் பிடித்தனர். இதற்கு முன் கடந்த 2012-ம் ஆண்டு பெர்லினில் நடைபெற்ற மாரத்தான் ஓட்டப்பந்தயத்தில், கென்ய வீரர் எலியுட் கிப்சோஜ் பந்தய தூரத்தை 2 மணி நேரம் 1 நிமிடம் 9 வினாடிகளில் கடந்து உலக சாதனை படைத்திருந்தார் என்பது குறிப்பிடத்தக்கது.