விளையாட்டுத்துறையில் அசத்தும் வீரர், வீராங்கனைகளுக்கு மத்திய விளையாட்டு அமைச்சகம் ஆண்டுதோறும் மேஜர் தயான்சந்த் கேல்ரத்னா, அர்ஜூனா விருதுகளை வழங்கி கவுரவிக்கிறது. இந்த ஆண்டுக்கான உயரிய கேல்ரத்னா விருதுக்கு, டோக்கியோ ஒலிம்பிக்கில் தடகளத்தில் தங்கப்பதக்கம் வென்று சரித்திர சாதனை நிகழ்த்திய ஈட்டி எறிதல் வீரர் நீரஜ் சோப்ரா, இதே ஒலிம்பிக்கில் வெள்ளிப்பதக்கம் கைப்பற்றிய ரவிகுமார் தஹியா (மல்யுத்தம்), வெண்கலம் வென்ற லவ்லினா (குத்துச்சண்டை), ஒலிம்பிக் ஆக்கியில் வெண்கலப்பதக்கத்தை சொந்தமாக்கிய இந்திய அணியில் அங்கம் வகித்த கேப்டன் மன்பிரீத் சிங், கோல் கீப்பர் ஸ்ரீஜேஷ், மாற்றுத்திறனாளிகளுக்கான பாராஒலிம்பிக்கில் தங்கப்பதக்கத்தை அறுவடை செய்தவர்களான அவனி லெகரா, மனிஷ் நார்வால் (இருவரும் துப்பாக்கி சுடுதல்), சுமித் அன்டில் (ஈட்டி எறிதல்), பிரமோத் பகத், கிருஷ்ணா நாகர் (இருவரும் பேட்மிண்டன்) மற்றும் இந்திய கால்பந்து அணியின் கேப்டன் சுனில் சேத்ரி, பெண்கள் கிரிக்கெட் அணியின் கேப்டன் மிதாலிராஜ் ஆகிய 12 பேர் தேர்வு செய்யப்பட்டிருந்தனர். இதில் சுனில் சேத்ரி இந்த விருதை பெறும் முதல் இந்திய கால்பந்து வீரர் ஆவார். இதே போல் இந்திய பெண்கள் கிரிக்கெட்டில் கேல் ரத்னா மூலம் அங்கீகரிக்கப்பட்ட முதல் வீராங்கனை என்ற பெருமையை மிதாலி ராஜ் பெற்றார்.

கிரிக்கெட் வீரர் தவான்