போட்டிக்கு தேர்வானதுபற்றி அருணா கூறும்பொழுது, சிறு வயது முதல், தற்காப்பு கலைகளின் தீவிர ரசிகை நான். முதலில் பொது பிரிவில் விளையாடினேன். ஆனால், பெரிய வெற்றி எதுவும் கிடைக்கவில்லை. பாரா-தேக்வாண்டோ பற்றி அறிந்து அதனை விளையாட தொடங்கினேன்.

எனது பெற்றோர் என் மீது நம்பிக்கை வைத்து ஆதரவு வழங்கினர். ஒவ்வொரு தேசிய போட்டியிலும் என்னுடன் வருவார்கள். நான் சாதித்த அனைத்தும் அவர்களாலேயே சாத்தியப்பட்டது. இந்த பாராலிம்பிக்கில் பதக்கம் பெற முயற்சிப்பேன். பெற்றோரையும், நாட்டையும் பெருமைப்படுத்துவேன் என கூறியுள்ளார்.

இவரது தந்தை நரேஷ் குமார். ரசாயன தொழிற்சாலையில் ஓட்டுனராக பணிபுரிந்து வருகிறார். இவருக்கு 3 குழந்தைகள். தனது மகள் இந்தியா சார்பில் பாராலிம்பிக்கிற்கு தேர்வு பெற்ற முதல் இந்தியர் என அறிந்து மகிழ்ச்சி அடைந்து உள்ளார்.