புனே,
12 அணிகள் இடையேயான புரோ கபடி 'லீக்' போட்டி தற்போது புனேயில் நடைபெற்று வருகிறது. இதில் லீக் சுற்றுகள் முடிவில் முதல் 6 இடங்களை பிடிக்கும் அணிகள் 'பிளே ஆப்' சுற்றுக்கு தகுதி பெறுகிறது.
இந்த தொடரில் இன்று நடைபெற்ற முதல் போட்டியில் பெங்களூரு புல்ஸ் அணி 36- 33 என்ற கணக்கில் அரியானா அணியை வீழ்த்தி வெற்றி பெற்றது. இதை தொடர்ந்து இன்று நடைபெற்ற 2-வது போட்டியில் தமிழ் தலைவாஸ்- புனேரி பால்டன் அணிகள் மோதின.
கடந்த 5 போட்டிகளில் 4 வெற்றி, 1 டிரா என தமிழ் தலைவாஸ் அணி இந்த தொடரில் சிறப்பான ஆட்டத்தை வெளிப்படுத்தி வந்தது. இந்த நிலையில் புனே அணிக்கு எதிராக நடைபெற்ற பரபரப்பான போட்டியில் தமிழ் தலைவாஸ் அணி 34-35 என்ற புள்ளி கணக்கில் வீழ்ந்தது. புனே அணி தரப்பில் சிறப்பாக ரெய்டு சென்ற ஆகாஷ் ஷிண்டே 10 புள்ளிகளை குவித்து அசத்தினார்.
இந்த வெற்றியின் மூலம் தமிழ் தலைவாஸ் அணியின் தொடர் வெற்றிகளுக்கு புனே அணி முற்றுப்புள்ளி வைத்துள்ளது.