சுசூகா,
இந்த ஆண்டுக்கான பார்முலா 1 கார் பந்தய சாம்பியன்ஷிப் போட்டி 24 சுற்றுகளாக நடத்தப்படுகிறது. இதன் முதல் 3 சுற்றுகள் முடிவில் நடப்பு சாம்பியன் நெதர்லாந்து வீரர் மேக்ஸ் வெர்ஸ்டப்பென் (ரெட்புல் அணி) 51 புள்ளிகளுடன் முதலிடத்தில் நீடிக்கிறார்.
இந்த நிலையில் பார்முலா1 கார் பந்தயத்தின் 4-வது சுற்றான ஜப்பான் கிராண்ட்பிரி போட்டி இன்று (ஞாயிற்றுக்கிழமை) அங்குள்ள சுசூகா ஓடுதளத்தில் இந்திய நேரப்படி காலை 10.30 மணிக்கு தொடங்குகிறது. 307.471 கிலோ மீட்டர் தூர பந்தயத்தில் 10 அணிகளை சேர்ந்த 20 வீரர்கள் கலந்து கொள்கிறார்கள்.
நேற்று நடந்த இறுதி தகுதி சுற்று முடிவில் முதலிடத்தை சொந்தமாக்கிய மேக்ஸ் வெர்ஸ்டப்பென் போட்டியில் முதல் வரிசையில் இருந்து தனது காரை செலுத்துவார்.