உலக டேபிள் டென்னிஸ் வீரர், வீராங்கனைகளின் புதிய தரவரிசை பட்டியல் நேற்று வெளியிடப்பட்டது. இதன்படி ஆண்கள் ஒற்றையர் தரவரிசையில் இந்திய வீரர் வி.சத்யன் 43 இடங்கள் எகிறி 60-வது இடத்தை பிடித்துள்ளார்.

சமீபத்தில் லெபனானில் நடந்த பீடெர் சீரிஸ் போட்டியில் சாம்பியன் பட்டத்தை கைப்பற்றியதால் தமிழகத்தை சேர்ந்த சத்யன் இந்த ஏற்றத்தை கண்டுள்ளார். இந்திய மூத்த வீரர் சரத்கமல் ஒரு இடம் சறுக்கி 35-வது இடம் வகிக்கிறார். இந்திய வீரர்களில் அவர் தான் முதலிடத்தில் இருக்கிறார். மற்ற இந்தியர்களான மனவ் தாக்கர் 11 இடங்கள் முன்னேறி 63-வது இடமும், ஹர்மீத் தேசாய் 2 இடம் சரிந்து 67-வது இடமும் பெற்றுள்ளனர்.