உலகக் கோப்பை துப்பாக்கி சுடுதல் போட்டி கஜகஸ்தான் நாட்டில் உள்ள அல்மாதியில் நடந்து வருகிறது. இதில் பெண்களுக்கான 'ஸ்கீட்' பிரிவு போட்டியின் இறுதி சுற்றில் கஜகஸ்தான் வீராங்கனை அசெம் ஆரின்பே, இந்திய வீராங்கனை கேன்மேட் சேகோன் ஆகியோர் 60-க்கு 50 புள்ளிகள் குவித்து முதலிடத்தில் சமநிலை வகித்தனர்.

இதைத்தொடர்ந்து நடந்த சூட்-ஆப்பில் 2 முறையும் இலக்குகளை குறிதவறாமல் சுட்ட அசெம் ஆரின்பே தங்கப்பதக்கத்தை தனதாக்கினார். ஒரு முறை இலக்கை தவறவிட்ட இந்திய வீராங்கனை கேன்மேட் சேகோன் வெள்ளிப்பதக்கத்துடன் திருப்திபட வேண்டியதானது. மற்றொரு இந்திய வீராங்கனை தர்ஷனா ரதோர் 39 புள்ளிகளுடன் வெண்கலப்பதக்கம் பெற்றார்.