40-வது ஆசிய பேட்மிண்டன் சாம்பியன்ஷிப் போட்டி துபாயில் நேற்று தொடங்கியது. முதல் நாளில் தகுதி சுற்று ஆட்டங்கள் நடந்தன. முன்னணி வீரர், வீராங்கனைகளுக்குரிய பிரதான சுற்று ஆட்டங்கள் இன்று தொடங்குகிறது.

30-ந் தேதி வரை நடைபெறும் இந்த போட்டியில் பெண்கள் ஒற்றையர் பிரிவின் முதல் சுற்றில் இந்திய முன்னணி வீராங்கனை பி.வி.சிந்து, சீன தைபேயின் வென்சி ஹூவுடன் மோதுகிறார். மற்ற இந்திய வீராங்கனைகள் மால்விகா பான்சோத், கடந்த ஆண்டு இறுதிப்போட்டிக்கு முன்னேறிய அகானே யமாக்குச்சியையும் (ஜப்பான்), ஆகார்ஷி காஷ்யப், இந்தோனேஷியாவின் கோமங் அயுவையும் சந்திக்கின்றனர்.