கிராண்ட் செஸ் சுற்றுப்பயணத்தின் ஒரு அங்கமான சின்கியுபீல்ட் கோப்பை செஸ் போட்டி அமெரிக்காவில் உள்ள செயின்ட் லூயிஸ் நகரில் நடந்து வருகிறது. இதில் நேற்று முன்தினம் இரவு நடந்த 4-வது சுற்று ஆட்டம் ஒன்றில் உலக சாம்பியனான தமிழகத்தை சேர்ந்த குகேஷ்- மேக்சிம் வச்சியர் லக்ரேவ் (பிரான்ஸ்) மோதினர்.

விறுவிறுப்பான இந்த ஆட்டத்தில் வெள்ளைநிற காய்களுடன் ஆடிய குகேஷ் 56-வது நகர்த்தலில் டிரா கண்டார். இதே போல் இந்திய கிராண்ட்மாஸ்டர் பிரக்ஞானந்தா- சாம் செவியன் (அமெரிக்கா) இடையிலான ஆட்டம் 29-வது நகர்த்தலில் டிராவில் முடிந்தது.