லக்னோ,

சையத் மோடி சர்வதேச பேட்மிண்டன் போட்டி லக்னோவில் நேற்று தொடங்கியது. இதில் ஆண்கள் ஒற்றையர் பிரிவில் நடந்த முதல் சுற்று ஆட்டம் ஒன்றில் இந்திய வீரர் ஸ்ரீகாந்த் 21-12, 21-11 என்ற நேர் செட் கணக்கில் ரஷியாவின் விளாடிமிர் மால்கோவை வீழ்த்தி 2-வது சுற்றுக்கு முன்னேறினார். இந்த ஆட்டம் 36 நிமிடங்கள் நடந்தது.

இந்திய வீரர் காஷ்யப்பை எதிர்த்து ஆட இருந்த பிரான்சின் லுகாஸ் கோர்வீ விலகியதால் விளையாடாமலேயே காஷ்யப் 2-வது சுற்றுக்குள் நுழைந்தார். காஷ்யப் அடுத்து ஸ்ரீகாந்தை சந்திக்கிறார். இந்தியாவின் சாய் பிரனீத், லக்ஷயா சென், பிரனாய் உள்ளிட்டோரும் 2-வது சுற்றை எட்டினர்.