லக்னோ,

சையத் மோடி சர்வதேச பேட்மிண்டன் சாம்பியன்ஷிப் போட்டி லக்னோவில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவு கால் இறுதி ஆட்டம் ஒன்றில் இந்திய வீரர் சவுரப் வர்மா 21-19, 21-16 என்ற நேர்செட்டில் தாய்லாந்து வீரர் குன்லாவுத் விதிச்சர்னை வீழ்த்தி அரைஇறுதிக்கு முன்னேறினார். மற்றொரு ஆட்டத்தில் இந்திய வீரர் ஸ்ரீகாந்த் 18-21, 19-21 என்ற நேர்செட்டில் முன்னாள் நம்பர் ஒன் வீரரான சன் வான் ஹோவிடம் (கொரியா) தோல்வி கண்டு வெளியேறினார்.

பெண்கள் ஒற்றையர் பிரிவு கால்இறுதி ஆட்டத்தில் முன்னாள் தேசிய சாம்பியனான இந்தியாவின் ரிதுபர்னா தாஸ் 24-26, 21-10, 21-19 என்ற செட் கணக்கில் சக நாட்டு வீராங்கனை சுருதி முன்டாடாவை தோற்கடித்து அரைஇறுதியை எட்டினார்.