சென்னை,

முதலாவது கேலோ இந்தியா பல்கலைக்கழக விளையாட்டு போட்டிகள் ஒடிசா மாநிலத்தில் உள்ள புவனேசுவரம் மற்றும் கட்டாக்கில் நடந்து வருகிறது. இதில் பேட்மிண்டன் போட்டியில் பெண்கள் பிரிவு இறுதி ஆட்டத்தில் எஸ்.ஆர்.எம். (சென்னை)-ஜெயின் பல்கலைக்கழக (பெங்களூரு) அணிகள் மோதின. இதில் எஸ்.ஆர்.எம். அணி 0-2 என்ற கணக்கில் ஜெயின் பல்கலைக்கழக அணியிடம் தோல்வி கண்டு வெள்ளிப்பதக்கம் பெற்றது. பெண்களுக்கான கால்பந்து போட்டியில் நேற்று நடந்த லீக் ஆட்டம் ஒன்றில் அண்ணாமலை பல்கலைக்கழக அணி (சிதம்பரம்) 8-0 என்ற கோல் கணக்கில் கோழிக்கோடு பல்கலைக்கழக (கேரளா) அணியை தோற்கடித்தது.