சென்னை,

அண்ணா பல்கலைக்கழக மண்டலங்களுக்கு இடையிலான பால் பேட்மிண்டன் போட்டி திருச்சியில் உள்ள ஜெ.ஜெ.என்ஜினீயரிங் கல்லூரியில் நடந்தது. இதன் இறுதிப்போட்டியில் செயின்ட் ஜோசப்ஸ் என்ஜினீயரிங் கல்லூரி அணி (சென்னை) 35-21, 35-22 என்ற நேர்செட்டில் வள்ளியம்மை என்ஜினீயரிங் கல்லூரி (சென்னை) அணியை வீழ்த்தி சாம்பியன் பட்டத்தை கைப்பற்றியது. முன்னதாக நடந்த கால்இறுதியில் ஸ்டெல்லா மேரிஸ் கல்லூரியையும் (கன்னியாகுமரி), அரைஇறுதியில் வி.எஸ்.ஏ. கல்லூரியையும் (சேலம்) செயின்ட் ஜோசப்ஸ் அணி வென்று இருந்தது.