கிராண்ட்ஸ்லாம் அந்தஸ்து பெற்ற ஆஸ்திரேலிய ஓபன் டென்னிஸ் போட்டி ஆண்டுதோறும் ஜனவரி மாதம் மெல்போர்னில் நடத்தப்படுகிறது. இன்னும் 8 மாதங்கள் இருந்தாலும் அடுத்த ஆண்டுக்கான ஆஸ்திரேலிய ஓபன் டென்னிஸ் போட்டி ரத்து செய்யப்படுவதற்கு வாய்ப்பு இருப்பதாக ஆஸ்திரேலிய டென்னிஸ் சங்க செய்தி தொடர்பாளர் தெரிவித்துள்ளார்.

ஆட்கொல்லி நோயான கொரோனா பரவலை தடுக்க ஆஸ்திரேலிய அரசு ஏராளமான கட்டுப்பாடுகளை விதித்துள்ளது. பாதுகாப்பை உறுதி செய்ய பல்வேறு வழிகாட்டுதல்களை பின்பற்ற வேண்டி உள்ளது. உள்ளூர் ரசிகர்கள் மட்டுமே அனுமதி மற்றும் வெளிநாட்டு வீரர்களை தனிமைப்படுத்த வேண்டிய சூழல் ஏற்பட்டால் போட்டியை ரத்து செய்ய நேரிடலாம். ஆனாலும் திட்டமிட்டபடி நடத்துவதற்கு எல்லாவிதமான அம்சங்களையும் கவனத்தில் கொண்டு தீவிர முயற்சி எடுப்போம் என்றும் அவர் கூறினார்.