அடிலெய்டு,
ஆஸ்திரேலிய ஓபன் டென்னிஸ் போட்டிக்கு முன்னோட்டமாக சர்வதேச டென்னிஸ் போட்டிகள் அடிலெய்டில் நடந்து வருகிறது. இதில் பெண்கள் இரட்டையர் பிரிவில் நடந்த அரைஇறுதி ஆட்டத்தில் இந்தியாவின் சானியா மிர்சா-உக்ரைனின் நாடியா கிச்னோக் இணை ஆஸ்திரேலியாவின் ஆஷ்லி பார்ட்டி- ஸ்டோர்ம் சான்டெர்ஸ் ஜோடியுடன் மோதியது.
1 மணி 5 நிமிடம் நீடித்த இந்த ஆட்டத்தில் சானியா மிர்சா - நாடியா கிச்னோக் இணை 1-6, 6-2, 8-10 என்ற செட் கணக்கில் ஆஷ்லி பார்ட்டி- ஸ்டோர்ம் சான்டெர்ஸ் ஜோடியிடம் வீழ்ந்து வெளியேறியது.
இதேபோல் ஆண்களுக்கான இரட்டையர் பிரிவின் கால்இறுதி ஆட்டம் ஒன்றில் இந்தியாவின் ரோகன் போபண்ணா-ராம்குமார் கூட்டணி 6-1, 6-3 என்ற நேர்செட்டில் பெஞ்சமின் போன்ஜி (பிரான்ஸ்)-ஹூகோ நிஸ் (மொனாக்கோ) ஜோடியை தோற்கடித்து அரைஇறுதிக்கு முன்னேறியது.
அரைஇறுதியில் போபண்ணா-ராம்குமார் ஜோடி, டாமிஸ்வாவ் பிர்கிச் (போஸ்னியா) - சான்டியாகோ கோன்ஸலேஸ் (மெக்சிகோ) இணையை எதிர்கொள்கிறது.