டோக்கியோ,

பான்பசிபிக் ஓபன் சர்வதேச டென்னிஸ் போட்டி ஜப்பான் தலைநகர் டோக்கியோவில் நடந்து வருகிறது. இதில் நேற்று நடந்த அரைஇறுதி ஆட்டத்தில் அமெரிக்க ஓபன் சாம்பியனான நவோமி ஒசாகா (ஜப்பான்) 6-2, 6-3 என்ற நேர் செட்டில் கமிலா ஜியார்கியை (இத்தாலி) வீழ்த்தி இறுதிப்போட்டிக்கு முன்னேறினார். ஒசாகா தொடர்ச்சியாக பெற்ற 10-வது வெற்றி இதுவாகும். மற்றொரு அரைஇறுதியில் கரோலினா பிளிஸ்கோவா (செக்குடியரசு) 6-2, 4-6, 6-3 என்ற செட் கணக்கில் குரோஷியாவின் டோனா வெகிச்சை வீழ்த்தினார். இன்று நடக்கும் மகுடத்துக்கான இறுதி ஆட்டத்தில் ஒசாகா-பிளிஸ்கோவா மோதுகிறார்கள்.