உலக டேபிள் டென்னிஸ் 'ஸ்டார் கன்டென்டர்' சாம்பியன்ஷிப் போட்டி கோவாவில் நடந்து வருகிறது. இதில் ஆண்கள் ஒற்றையர் பிரிவின் 2-வது சுற்றில் இந்திய வீரரான தமிழகத்தை சேர்ந்த ஜி.சத்யன் 9-11, 5-11, 8-11 என்ற நேர் செட்டில் யுகியா உடாவிடம் (ஜப்பான்) தோற்று நடையை கட்டினார்.

இதனை தொடர்ந்து நடைபெற்ற ஆட்டத்தில் தென்கொரியாவின் சோ டசியாங் 7-11, 6-11, 12-10, 11-9, 11-8 என்ற செட் கணக்கில் 'நம்பர் ஒன்'வீரர் பேன் செங்டோங்கை (சீனா) தோற்கடித்தார்.