அபுதாபி,
யுஎஸ் ஓபன் சாம்பியனான டேனியல் மெத்வதேவ் தலைமையிலான பிபிஜி ஈகிள்ஸ் அணி உலக டென்னிஸ் லீக் பட்டத்தை வென்றுள்ளது.
ஐக்கிய அரபு எமிரேட்ஸில் நடைபெற்ற இறுதிப்போட்டியில் பிபிஜி ஈகிள்ஸ் மற்றும் கைட்ஸ் அணிகள் மோதின. இதில் பிபிஜி ஈகிள்ஸ் 29-26 என்ற புள்ளிக்கணக்கில் வெற்றி பெற்று சாம்பியன் பட்டம் வென்றது.
இதில் கலப்பு இரட்டையர் பிரிவில் மெத்வதேவ்-மிர்ரா ஆண்ட்ரீவா ஜோடி 6-7 மற்றும் 5-7 என்ற செட் கணக்கில் பவுலா படோசா- சிட்சிபாஸ் ஜோடியிடம் தோல்வியடைந்தாலும், மற்ற பிரிவு போட்டிகளில் வெற்றி பெற்று பிபிஜி ஈகிள்ஸ் சாம்பியன் பட்டம் வென்றது.