தமிழில் விஜய் நடிப்பில் வெளியாகி நல்ல வரவேற்பை பெற்ற யூத் படத்தை தயாரித்தவர் டி.ராமாராவ். இதேபோன்று தில், அருள், உனக்கும் எனக்கும், யாயா உள்ளிட்ட பல படங்களை தயாரித்து முன்னணி தயாரிப்பாளராக வலம் வந்தார். தெலுங்கு மற்றும் இந்தி திரையுலகில் பல முன்னணி நடிகர்களை வைத்து படம் இயக்கியுள்ளார்.

இந்நிலையில் 83 வயதாகும் டி.ராமாராவ் உடல்நலக்குறைவு காரணமாக தி.நகரில் உள்ள அவரது இல்லத்தில் உயிரிழந்துள்ளார். தயாரிப்பாளர் இயக்குனர் என பண்முக தன்மைக் கொண்ட டி.ராமாராவ்வின் மறைவு திரையுலகினர் மத்தியில் பெரும் சோகத்தை ஏற்படுத்தியுள்ளது. இவரது மறைவுக்கு ரசிகர்கள், திரைப்பிரபலங்கள் எனப் பலரும் இரங்கல் தெரிவித்து வருகின்றனர்.