இந்துசமய அறநிலையத்துறை அலுவலகத்தை முற்றுகையிட முயற்சி கிராமகோவில் பூசாரிகள் பேரவையினர் 89 பேர் கைது

அனைத்து பூசாரிகளுக்கும் மாத ஊக்கத்தொகை வழங்க வேண்டும். ஓய்வூதியம், நலவாரிய சலுகை பெறுவதற்கு வருட வருமான உச்சவரம்பை ரூ.72 ஆயிரமாக உயர்த்த வேண்டும். பூசாரிகளுக்கு ஓய்வூதியத்தை ரூ.3 ஆயிரமாக அதிகரிக்க வேண்டும், கோவில்களுக்கும், பூசாரிகளின் வீடுகளுக்கும் இலவச மின்சாரம் வழங்க வேண்டும். இலவச வீட்டுமனை பட்டா வழங்க வேண்டும் என்பது உள்பட பல்வேறு கோரிக்கைகளை வலியுறுத்தி திருச்சி மெயின்கார்டுகேட் அருகே உள்ள இந்துசமய அறநிலையத்துறை அலுவலகத்தை கிராமகோவில் பூசாரிகள் பேரவை சார்பில் முற்றுகையிடும் போராட்டம் நடத்தப்படும் என்று அறிவித்து இருந்தனர். ஆனால் இந்த போராட்டத்துக்கு போலீசார் அனுமதி மறுத்து இருந்தனர்.