நண்பர்களுடன் குளிக்கச் சென்ற போது போரூர் ஏரியில் மூழ்கி பள்ளி மாணவன் சாவு

அதில் அவர்கள், தாங்கள் அனைவரும் ஒன்றாக போரூர் ஏரியில் குளிக்கச் சென்றதாகவும், அங்கு குளித்து கொண்டிருந்த போது நவீன்குமார் நீரில் மூழ்கி விட்டதாகவும், தேடிப்பார்த்தும் அவன் கிடைக்காததால் யாரிடமும் சொல்லாமல் வீட்டுக்கு வந்து விட்டதாகவும் தெரிவித்தனர்.

இது குறித்து போரூர் போலீசாருக்கு தகவல் தெரிவிக்கப்பட்டது. உடனடியாக போலீசார், போரூர் ஏரிக்கு சென்று பார்த்தனர். அங்கு நவீன்குமாரின் உடல் ஏரியில் மிதந்து கொண்டு இருந்தது. நண்பர்களுடன் போரூர் ஏரியில் குளித்த போது நீரில் மூழ்கிய நவீன்குமார், மூச்சுத்திணறி பரிதாபமாக இறந்து விட்டது தெரிந்தது.

இதையடுத்து அவனது உடலை கைப்பற்றிய போலீசார், பிரேத பரிசோதனைக்காக போரூரில் உள்ள தனியார் மருத்துவமனைக்கு அனுப்பி வைத்தனர். மேலும் இதுபற்றி போலீசார் வழக்குப்பதிவு செய்து விசாரித்து வருகின்றனர்.