மகாராஷ்டிரா,
‘தும்பாட் 2’ படப்பிடிப்பு நடைபெற்று வரும் நிலையில், ஆலியா பட் படப்பிடிப்பு தளத்தில் காணப்பட்டுள்ளார். இதன் மூலம் இப்படத்தில் அவரது பங்களிப்பு குறித்த எதிர்பார்ப்பு மேலும் அதிகரித்துள்ளது.
பாலிவுட்டின் முன்னணி நடிகைகளில் ஒருவரான ஆலியா பட், தற்போது பல்வேறு முன்னணி திரைப்படங்களில் நடித்து வருகிறார். இந்த நிலையில், ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள ‘தும்பாட் 2’ திரைப்படத்தில் அவர் இணைந்துள்ளார். இப்படத்தின் படப்பிடிப்பு தளத்தில் ஆலியா பட் இருப்பது தற்போது கவனம் பெற்றுள்ளது.
2018-ம் ஆண்டு வெளியான ‘தும்பாட்’ திரைப்படம் நாட்டுப்புறக் கதைகள், புராணம் மற்றும் திகில் அம்சங்களை இணைத்த வித்தியாசமான படைப்பாக ரசிகர்களிடம் வரவேற்பை பெற்றது. அதன் தொடர்ச்சியாக உருவாகும் ‘தும்பாட் 2’ படத்திலும் சோஹும் ஷா மீண்டும் முக்கிய கதாபாத்திரத்தில் நடிக்கிறார். மேலும், நடிகர் நவாசுதீன் சித்திகியும் இப்படத்தின் முக்கிய நடிகர்கள் பட்டியலில் இணைந்துள்ளார். தற்போது மகாராஷ்டிராவின் சதாராவில் இந்த படத்தின் படப்பிடிப்பு பணிகள் நடைபெற்று வருகின்றன.
‘தும்பாட் 2’ படப்பிடிப்பு நடைபெற்று வரும் நிலையில், ஆலியா பட் படப்பிடிப்பு தளத்தில் காணப்பட்டுள்ளார். இதன் மூலம் இப்படத்தில் அவரது பங்களிப்பு குறித்த எதிர்பார்ப்பு மேலும் அதிகரித்துள்ளது. ஆலியாவின் கதாபாத்திரம் குறித்த முழுமையான தகவல்கள் இன்னும் வெளியாகவில்லை.
‘தும்பாட் 2’ திரைப்படம் 2027 டிசம்பர் 3-ம் தேதி திரையரங்குகளில் வெளியாகும் என தகவல்கள் வெளியாகியுள்ளன. முதல் பாகத்தில் உருவாக்கப்பட்ட ஹஸ்தர் தொடர்பான மர்ம உலகம் இந்த இரண்டாவது பாகத்தில் தொடரும் என எதிர்பார்க்கப்படுகிறது.
