தமிழ் திரையுலகின் பிரபல டைரக்டர்களில் ஒருவரான ஷங்கர், கமல்ஹாசன் நடிக்கும் இந்தியன் படத்தின் இரண்டாம் பாகத்தை டைரக்டு செய்து வந்தார். தேர்தல் காரணமாக இந்த படத்தின் படப்பிடிப்பு நிறுத்தி வைக்கப்பட்டு இருந்தது. தற்போது படப்பிடிப்பை தொடர திட்டமிட்டு இருக்கிறார்கள்.
இந்தியன் 2 படத்தில் கமல்ஹாசனுடன் சமுத்திரக்கனி, பாபிசிம்ஹா, காஜல் அகர்வால், பிரியா பவானி சங்கர் ஆகியோர் நடிக்கிறார்கள்.
இந்த படத்தை அடுத்து ராம்சரண் கதாநாயகனாக நடிக்கும் ஒரு தெலுங்கு படத்தை டைரக்டு செய்ய ஷங்கர் முடிவு செய்து இருக்கிறார். பிரபல தெலுங்கு பட அதிபர் தில்ராஜு தயாரிக்கிறார்.
தெலுங்கு படம் முடிந்ததும், அந்நியன் படத்தை இந்தியில் உருவாக்க ஷங்கர் திட்டமிட்டு இருக்கிறார். விக்ரம் நடித்த கதாபாத்திரத்தில், ரன்பீர் கபூர் நடிக்க ஒப்பந்தமாகி உள்ளார்.