விஜய் இரட்டை வேடங்களில் வருகிறார். ஜோடியாக நயன்தாரா நடிக்கிறார். பெண்கள் கால்பந்து விளையாட்டை மையமாக வைத்து தயாராகி உள்ளது.
அட்லி இயக்கும் இந்த படம் தீபாவளிக்கு திரைக்கு வருகிறது. அடுத்து லோகேஷ் இயக்கும் படத்தில் விஜய் நடிப்பது உறுதியாகி உள்ளது. இது விஜய்க்கு 64-வது படமாகும். இந்த படத்தின் ஆரம்பகட்ட பணிகள் தொடங்கி உள்ளன. இதில் கதாநாயகியாக நடிக்க 2 நடிகைகளிடம் இயக்குனர் பேச்சுவார்த்தை நடத்துவதாக தகவல் வெளியாகி உள்ளது.
அவர்களில் ஒருவர் ராஷி கண்ணா. இவர் இமைக்கா நொடிகள், அடங்க மறு, அயோக்கியா ஆகிய படங்களில் நடித்துள்ளார். தற்போது சங்கத்தமிழன், கடைசி விவசாயி படங்களில் நடித்து வருகிறார். விஜய்யின் 64-வது படத்தில் இவர் முதன்மை கதாநாயகியாக இருப்பார் என்று கூறப்படுகிறது.
இன்னொருவர் ராஷ்மிகா மந்தனா. இவர் தெலுங்கில் கீதா கோவிந்தம் படத்தில் நடித்து பிரபலமானார். ராஷ்மிகா, பிகில் படத்தில் விஜய் ஜோடியாக நடிப்பார் என்று பேசப்பட்டது. பின்னர் அவருக்கு பதிலாக நயன்தாராவை தேர்வு செய்தனர். 64-வது படத்தில் விஜய்யுடன் அவர் ஜோடி சேருவார் என்று எதிர்பார்க்கப்படுகிறது.