மத்திய தொகுப்பில் இருந்து தமிழகத்துக்கு ஆகஸ்டு மாத ஒதுக்கீடான 79 லட்சம் தடுப்பூசியில் இதுவரை 29 லட்சம் தடுப்பூசிகள் வந்து உள்ளன. இந்த நிலையில் புனேவில் இருந்து சென்னை வந்த விமானத்தில் 66 பெட்டிகளில் 7 லட்சத்து 76 ஆயிரத்து 770 கோவிஷீல்டு தடுப்பூசிகள் வந்தன. பின்னர் அவை, தேனாம்பேட்டையில் உள்ள மாநில சுகாதார கிடங்குக்கு கொண்டு செல்லப்பட்டது. சென்னை வந்த தடுப்பூசிகள், உடனடியாக மாவட்டங்களுக்கு பிரித்து அனுப்பி வைக்கப்படும் என அதிகாரிகள் தெரிவித்தனர்.