தமிழகத்திற்கு இதுவரை மத்திய தொகுப்பில் இருந்தும், தமிழக அரசின் நேரடி கொள்முதல் மூலமாகவும் 3 கோடியே 13 லட்சத்து 83 ஆயிரத்து 830 கோவிஷீல்டு மற்றும் கோவேக்சின் தடுப்பூசிகள் வந்து உள்ளன. இதுவரை தமிழகத்தில் சுமார் 2 கோடியே 94 லட்சத்து 17 ஆயிரத்து 458 பேர் தடுப்பூசி போட்டு உள்ளனர்.
இந்த நிலையில் மராட்டிய மாநிலம் புனேவில் இருந்து நேற்று சென்னை வந்த விமானத்தில் 77 பெட்டிகளில் 9 லட்சத்து 9 ஆயிரத்து 640 கோவிஷீல்டு தடுப்பூசிகள் வந்தன. தடுப்பூசிகள் தேனாம்பேட்டை டி.எம்.எஸ்.சில் உள்ள மாநில சுகாதார கிடங்கிற்கு கொண்டு செல்லப்பட்டது. சென்னை வந்த தடுப்பூசிகள் தமிழகத்தில் தேவைப்படும் மாவட்டங்களுக்கு உடனே பிரித்து அனுப்பி வைக்கப்படும் என அதிகாரிகள் தெரிவித்தனர்.