அதன்படி புதுச்சேரியில் கடந்த ஆட்சியில் முன்னாள் முதல்-அமைச்சர் நாராயணசாமியின் படம் இடம் பெற்றிருந்தது. இதற்கிடையே புதுவையில் காங்கிரஸ் அரசின் ஆட்சி கவிழ்ந்து ஜனாதிபதி ஆட்சி அமல்படுத்தப்பட்டதால் அரசு இணையதள பக்கத்தில் நாராயணசாமியின் படம் நீக்கப்பப்பட்டது.
புதுவையில் நடந்து முடிந்த சட்டமன்ற தேர்தலில் என்.ஆர்.காங்கிரஸ், பா.ஜ.க., அ.தி.மு.க. ஆகியவை கூட்டணி அமைத்து தேர்தலை சந்தித்தது. இதில் புதுவையில் என்.ஆர்.காங்கிரஸ் கூட்டணி ஆட்சி அமைந்தது. அதன்படி புதுச்சேரியின் முதல்-அமைச்சராக என்.ஆர்.காங்கிரஸ் கட்சியின் தலைவர் ரங்கசாமி நேற்று முதல்-அமைச்சராக பதவியேற்று கொண்டார். அதைத்தொடர்ந்து புதுவை அரசின் இணையதள பக்கங்களில் முதல்-அமைச்சர் ரங்கசாமி படம் பதிவேற்றம் செய்யப்பட்டுள்ளது.
