ஊழல் குற்றச்சாட்டுக்கு உள்ளான அவர், மீண்டும் சென்னைக்கு இடமாற்றம் செய்யப்பட்டார். இந்த உத்தரவை ரத்து செய்யக்கோரி, கருப்பு எழுத்து இயக்கம் சார்பில் சென்னை ஐகோர்ட்டில் வழக்கு தொடரப்பட்டது. இந்த வழக்கு தலைமை நீதிபதி சஞ்சீவ் பானர்ஜி, நீதிபதி ஆதிகேசவலு ஆகியோர் முன்னிலையில் விசாரணைக்கு வந்தது. அப்போது அரசு வக்கீல், ஊழல் குற்றச்சாட்டு குறித்து விசாரணை நடைபெற்று வருவதாகவும், சம்பந்தப்பட்ட சார்-பதிவாளர் மீது ஒழுங்கு நடவடிக்கை எடுப்பது குறித்து அரசிடம் கேட்டு தெரிவிப்பதாகவும் கூறினார். இதைத்தொடர்ந்து நீதிபதிகள், ஊழல் குற்றச்சாட்டு குறித்த புலன் விசாரணையை நேர்மையாக நடத்த வேண்டும். புலன் விசாரணை நிலை குறித்தும், ஒழுங்கு நடவடிக்கை குறித்தும் தமிழக அரசு அறிக்கை தாக்கல் செய்ய வேண்டும்' என்றும் உத்தரவிட்டு விசாரணையை 6 வாரத்துக்கு தள்ளிவைத்தனர்.
