நொய்யல்,
நொய்யல், கவுண்டன்புதூர், பேச்சிப்பாறை, நடையனூர், ஓலப்பாளையம், ஒரம்புப்பாளையம், நல்லிக்கோவில், கொங்கு நகர் உள்ளிட்ட பல்வேறு பகுதிகளில் விவசாயிகள் பூக்களை பயிர் செய்துள்ளனர். பின்னர் பூக்கள் பூத்தவுடன் உள்ளூர் வியாபாரிகளுக்கும், ஏல சந்தைகளுக்கும் கொண்டு சென்று விற்பனை செய்து வருகின்றனர். இந்த வாரம் நடைபெற்ற ஏலத்தில் குண்டு மல்லி கிலோ ரூ.650-க்கும், சம்பங்கி கிலோ ரூ.220-க்கும், அரளி கிலோ ரூ.340-க்கும், ரோஜா கிலோ ரூ.250- முல்லைப் பூ கிலோ ரூ.800-க்கும், செவ்வந்திப்பூ ரூ.280-க்கும், கனகாம்பரம் ரூ.700-க்கும் ஏலம் போனது. கோவில் விசேஷங்களை முன்னிட்டு பூக்கள் விலை உயர்வடைந்துள்ளதாக வியாபாரிகள் தெரிவித்தனர்.
